Шинэ мэдээ

Монголын ТОП-100 компанийн ЗАЛУУ 8 захирал5 сар 21. 15:57   |   0Г.Ундрам: “Mongoloo Kids” брэндийн хүүхдийн загварын шоуг энэ сарын 30-нд хийх гэж байна5 сар 21. 11:09   |   0Хориг арга хэмжээг тойруулан БНАСАУ-ыг хүнс тэжээлээр хангаж байна5 сар 21. 10:37   |   0Нефтийн олборлолтын асуудлыг зургадугаар сарын эцсээр шийдвэрлэнэ5 сар 21. 10:35   |   0Ш.Абэ хулгайлагдсан иргэдийн асуудлыг Ким Жөн Унтай хэлэлцэхийг хүсэж байна5 сар 20. 12:19   |   0Арменд “хувьсгалын хоёр дахь үе шат” эхэлснийг мэдэгдэв5 сар 20. 11:42   |   1Шууд: ХАБЭА-н үндэсний чуулган Төрийн ордонд эхэллээ5 сар 20. 11:13   |   0“Google” корпорац “Huawei”-тай бизнес-хамтын ажиллагаагаа зогсоож байна5 сар 20. 10:40   |   0100 сая доллар луйвардсан олон улсын хакерийн бүлгийг илрүүлжээ5 сар 18. 12:06   |   0Австралийн алслагдмал арлуудаас 414 сая ширхэг хуванцар хаягдал олджээ5 сар 18. 11:40   |   0Шри Ланкад үүссэн эмх замбараагүй байдалд буддын шашинтнууд холбоотой байж магадгүй5 сар 17. 10:36   |   2Египетэд дэлхийн хамгийн өргөн дүүжин гүүрийг нээжээ5 сар 17. 10:22   |   0Т.Оюунжаргал: Үсчид бид үйлчлүүлэгчдэдээ өөрийнхөө үнэ цэнийг ахиулж байх хэрэгтэй5 сар 16. 14:35   |   0"Brexit”-н нөхцөл байдлыг “Хаан сэнтийн тоглоом”-той зүйрлэжээ5 сар 16. 14:10   |   0Казахстаны Мажилис Цөмийн зэвсгийг хориглох тухай гэрээг соёрхон баталжээ5 сар 16. 10:10   |   0Үндэсний ассамблейн өөр 5 депутат халдашгүй эрхээ хасуулжээ5 сар 15. 12:52   |   0БНАСАУ-ын хөлөг онгоцыг саатуулсныг дээрэм хэмээн үзэж байна5 сар 15. 12:11   |   0Цөмийн зэвсэг хураах асуудлаарх ОХУ-АНУ-ын хэлэлцээнд Хятад оролцохгүй5 сар 15. 12:09   |   2Венесуэлийн Элчин сайдын яамыг даруй орхин явахыг шаарджээ5 сар 14. 14:26   |   0Анагаахын Шинжлэх Ухааны Үндэсний Их Сургуулийн “Эрхэс” хэвлэх үйлдвэрт хэвлэлийн эх бэлтгэгч ажилд авна5 сар 14. 12:40   |   0БНАСАУ-тай хэлэлцээгээ үргэлжлүүлэх хэрэгтэй гэж үзэж байна5 сар 14. 10:31   |   0Бээжин хотын нисэх онгоцны шинэ буудлыг туршиж эхэлжээ5 сар 13. 13:06   |   1Эрэгтэйчүүдийн оношлогооны төв “Алтан жор” ямар үйлчилгээ үзүүлдэг вэ5 сар 13. 12:03   |   0БНАСАУ-ын тээврийн хөлөг онгоцыг саатуулжээ5 сар 13. 10:52   |   0Мехико хотод ирэх оноос эхлэн гялгар уутыг хэрэглээнээс гаргана5 сар 13. 10:42   |   0“Лалын улс” бүлэглэлийн командлагчийг устгажээ5 сар 13. 10:32   |   0Хан-Уул дүүргийн 39 багшд өнөөдөр хуримаа хийлээ5 сар 10. 17:24   |   0C CHANNEL EDUCATION телевиз нээлтээ хийлээ5 сар 10. 16:48   |   2Шүдний эмнэлгүүд В, С вирусын халдвар тарааж байгаа гэх мэдээлэл ташаа мэдээлэл гэв5 сар 10. 16:26   |   2АШУҮИС-ийн оюутнууд ОУ-ын мэс заслын олимпиадын хүндэт цомын эзэн боллоо5 сар 10. 11:35   |   0

Түрүү морьдоо ч тодруулж чадаагүй "ДҮНЖИНГАРАВ"-ын дуулиан баяртай

/3-р сарын 26/  -  8 цаг 38 минут

“Дүнжингарав" хэмээх хаврын морин уралдаан шөнө дөлөөр болсон гэх асуудал нийтийг хамарсан хэрүүл, хэлэлцүүлэг болтлоо өргөжсөн ч энэ нь ердөө долоо хоног үргэлжлээд өдгөө мартагдах шатандаа шилжив.

Хэл ам дэгдээх хамгийн гол шалтгаан нь харуй бүрийгээр бариа хийсэн соёолонгийн уралдаан байсан ч өнөө хэр нь айргийн таван морио нэрлэж чадахгүй байгаа нь ёстой хоржоонтой юм шүү. Уралдаан болох нь болсон. Болохоор барахгүй улсын хэмжээнд анхаарал татаж асуудал үүсгэсэн атал хэний морьд түрүүлж барианд орсныг нь тогтоож чаддаггүй ээ.

Хурдан морины уралдааныг өвөл, хаврын хатуу цагт явуулахыг Засгийн газар хориглоод байгаа ч уяачдын хувьд улсын цол ахихад хэрэгтэй учраас шахаж шаарддаг гэх шалтгаан байх тул хоригийг үл харгалзан холбооны зүгээс зохион байгуулсан гэдэг тайлбарыг хэлж байгаа. Зохион байгуулах нэг хэрэг. Хэл ам татлахгүйгээр зохион байгуулах нь бүр тусдаа хэрэг.

Хурдан морины унаач хүүхдүүд мориноос унаж бэртээд зогсохгүй автомашинтай мөргөлдсөн хэрэг гарсан нь соёолонгийн уралдаан түрүү морьдоо тодруулж чадаагүйгээс долоон дор хэрэг юм. “Дүнжингарав" уралдааныг зохион байгуулагчид нь Засгийн газар зөвшөөрөл өгөөгүйгээс болоод цагдаа, хүчний хамгаалалт дутагдсанаас л ийм юм боллоо гэх маягийн гомдол хэлж байгаа. Мэдээж Засгийн газар зөвшөөрлийг нь өгөөгүй учраас хариуцлага хүлээхгүйгээ мэднэ.

Тэгэхээр соёолонгийн уралдааныг хойшлуулъя гээд байхад л хоноглох газар байхгүй, хол ойроос ирсэн хүн мал хэцүүднэ гэх зовлонгоор түрээ барьж, харанхуйд уралдахыг зөвшөөрсөн уяачид болон унаачид буруудаж таарна. Нэгэнт зөвшөөрөл өгөөгүй Засгийн газар 100 хувь буруугүй, соёолонгийн уралдааныг хойшлуулъя гээд ч хорьж дийлээгүй зохион байгуулагчид бараг буруугүй.

Говьсүмбэр аймгийн Баянтал суманд зохион байгуулсан “Дүнжингарав” уралдааныг зохион байгуулагчдын хэлж байгаагаар тус уралдааныг үзэхээр 40 мянга гаруй хүн цугласан, автомашины тоо 15 мянгад хүрсэн гэж цагдаагийнхан мэдээлэл өгч байгаа аж. Өмнөх жил тус уралдааныг зохион байгуулахад Засгийн газрын тогтоол гарсан учраас 500-600 цагдаа хамгаалалтад гарч, зөвшөөрөлгүй машиныг уралдаан дагахаас сэргийлж байжээ. Тэгвэл энэ жилийн хувьд цагдаа, хүчний хамгаалалт дутсанаас хүндрэл гарсан гэж зохион байгуулагчид үзэж байх юм.

Үнэхээр ч энэ жилийн “Дүнжингарав”-ын их насны морьдын уралдааны үеэр морь, машины Хөлөөр маш их тоос босож үзэгдэх орчин муудсанаас уралдааны зам дээр машин морь мөргөлдсөн осол гарч, унаач хүүхэд хүнд бэртсэн. Харамсалтай нь, уг ослыг гаргасан автомашиныг цагдаагийнхан олж тогтоож чадахгүй байгаа аж. Харин азаар хүүхдийн бие гайгүй болж, эмнэлгээс гарах бичгээ хийлгэснийг Морин спорт, уяачдын холбооны удирдлагууд дуун дээр мэдээлж байна.

Засгийн газар нь хориод ч дийлдэггүй хавар, өвлийн морин уралдаан гээч нь зохион байгуулалтаа ч хийж чаддаггүй, морь, машинаа ч ялгаж дөнгөдөггүй, эцэс сүүлдээ бүр айраг, түрүүний морьдоо ч тодруулж чаддаггүй хачирхалтай байдалд оржээ.

Тээр хол суманд зохион байгуулж байхад тэгж их үзэгч зорьж очин цугладаг юм бол нэг мөсөн тасалбар тараагаад тойруулгад зохион байгуулдаг бизнес болгочхож болдоггүй юм уу? Хурдан моринд үнэ хөлс зарж, жилийн турш уяж сойдог мэргэжлийнхэн бий болчхоод байгаа атлаа “Макс”-ын Ганбаатар шиг дэлхийн дэвжээнд гарч уралдвал ер нь яадаг юм бэ?

Хөөрхий адуучид нь аймаг, сумандаа морио уяж сойгоод ч жилийн дөрвөн улиралд тэжээлээр бордуулдаг тасархай хурдан морьдын тоосноос сугарч чадахгүйд хүрээд байгаа шүү дээ. Ардын наадмыг нь адуучдад нь үлдээгээд хурдан моринд хөрөнгө мөнгөө зарж, хоббигоо болгосон “шинэ цагийн уяачид” маань тойруулгадаа, эсвэл дэлхийн дэвжээндээ гарах цаг болсон байх аа. Ингэх гэхээр бас болдоггүй гэх шалтаг ярьцгаах л байх.

Уг нь “эрийн гурван наадам” гэж нүүдэлчин монголчуудын сайхан уламжлал байлаа. Хүн малын зоо тэнийдэг зуны гуравхан сардаа зугаа цэнгэл болгон морио уралдуулж, бөхөө барилдуулж, цэц мэргэнээ сорьж түүгээрээ баясдаг тийм уламжлал. Харин үүнийг улсын цол олгодог, бай шагнал алдар нэр дагадаг, бэл бэнчинг хэмждэг өрсөлдөөн болгосноос хойш хэрүүл тэмцэл дагалддаг айхавтар зүйл болон хувирлаа даа.

Өглөөний сонин
А.Алиман



АНХААРУУЛГА: Уншигчдын бичсэн сэтгэгдэлд imedee.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 86878787

5 сэтгэгдэлСэтгэгдэл бичих

202.72.245.122ө   • 3 сарын 6. 7 цаг 56 минут

мал 4 улирал тэжээж уралдуулахаа больцгоо ажлаа алдаж шунал бооцоо цохих гэээд

122.201.24.156до   • 1 сарын 24. 9 цаг 49 минут

ганцхан улсын бйяраар л морьдоо уралдуулж бай адууны хомоолуудаа

202.9.42.28Зочин   • 1 сарын 20. 9 цаг 43 минут

үхсэн сда уралдаан ч гэж дээ тэр хурдан морь нь барианд орохдоо пөг пөг шогшсон юмнууд л байх юм бна лээ юу нь сонирхолтой гэж?

66.181.160.108зочин   • 2018, 5 сарын 15. 17 цаг 32 минут

морины чээжийг халхалсан даавуун дотор дусалын тариа хийх гуурц суулгасан гэдэг гэнэ

66.181.178.72зочин   • 2018, 3 сарын 27. 15 цаг 06 минут

Допингтой морьдыг уралдуулахаа больё.

БҮХ ЭРХ ХУУЛИАР ХАМГААЛАГДСАН
© 2015-2019 он. IMEDEE.MN