Шинэ мэдээ

В.Зеленский сонгуульд ялвал бизнесээ орхих бодолтой байна4 сар 20. 12:37   |   0Венесуэл улс "Роснефть" компанийн тусламжтайгаар хориг арга хэмжээг тойрон гарч байна4 сар 20. 12:17   |   0БНАСАУ болон АНУ-ын төлөөлөгчид “Бүс ба зам” форумд адил тэгш байдлаар оролцоно4 сар 19. 14:28   |   0Нотр-Дамын ойролцоо жагсаал цуглаан хийхийг хоригложээ4 сар 19. 14:26   |   0Олимпын наадмын эхний тасалбарыг ирэх сард худалдана4 сар 19. 10:29   |   0Н.Мадуро: Шинэ хориг арга хэмжээнүүд нь илүү их хүч өгч байна4 сар 19. 10:22   |   0"Буруугүй буруутан"-ууд4 сар 18. 17:14   |   0МОНГОЛ ТУУРГАТАН ТЕАТРЫН уран бүтээлчдийн "НАРАН УРГАХУЙ" эмгэнэлт драмын жүжиг УДЭТ-ИЙН ТАЙЗНАА ТОГЛОГДОНО4 сар 18. 17:01   |   0УЕП-ын шийдвэрээр хүний эрхийг хууль бусаар хязгаарлаж байгаа эсэхэд шалгалт хийнэ4 сар 11. 15:59   |   0Худалдааны гэрээг даган мөрдөж байгаа эсэхийг хянах талаар тохиролцов4 сар 11. 15:52   |   0“Brexit”-ийг 10 дугаар сарын 31 хүртэл хойшлуулжээ4 сар 11. 13:55   |   0Капитал банканд байршиж байсан төрийн данстай 340 орчим тэрбум төгрөгийг Монгол банк төлөх үү4 сар 11. 12:06   |   1Японы "F-35A" сөнөөгч онгоц Номхон далайд унасныг нотолжээ4 сар 11. 10:49   |   0Хана барихад 1 тэрбум орчим ам.долларыг зарцуулах гэрээ байгуулжээ4 сар 11. 10:49   |   0Харри, Меган нар хүүхэддээ ямар нэр өгөх вэ4 сар 10. 13:38   |   1"Нийгмийн даатгал" гар утасны аппликэйшнаа онлайнаар баталгаажуулаарай4 сар 10. 13:08   |   0Алжирын түр Ерөнхийлөгчийг эсэргүүцэн жагсжээ4 сар 10. 11:48   |   0Мөсөн голууд эрдэмтдийн тооцоолсноос хурдан хайлж байна4 сар 10. 10:33   |   3АНУ сарыг судлах эвсэл байгуулахыг зорьж байна4 сар 10. 10:27   |   2Худалдаачид эрхийнхээ төлөө нэгдэж, төв талбайдаа цуглалаа4 сар 9. 18:50   |   0Боксын Үндэсний шигшээ эрэгтэй, эмэгтэй багийн тамирчид Азийн АШТ-д хамтдаа оролцоно4 сар 9. 16:36   |   0Химийн үйлдвэрт дэлбэрэлт болсонтой холбоотойгоор хэдэн мянган компанийг татан буулгана4 сар 9. 15:13   |   0Дэлхийн хамгийн баян эмэгтэйчүүдийн жагсаалтад ямар хүмүүс багтдаг вэ4 сар 9. 12:32   |   1ОХУ Европын Зөвлөлөөс гарвал хүнд цохилт болж магадгүй4 сар 9. 12:30   |   2Худалдаа эрхлэгчид: Банкны өндөр хүү бидэнд дарамт болж байна4 сар 9. 12:05   |   1БНАСАУ Вьетнам дахь Элчин сайдаа солихоор төлөвлөж байна4 сар 9. 10:59   |   0АНУ-ын сөнөөгч онгоцнуудыг байрлуулах шийдвэрийг шүүмжилжээ4 сар 8. 14:43   |   0АШУҮИС-ийн төгсөгчид ДЭМБ-д4 сар 8. 11:36   |   0Д.Ганзоригийг харлуулах тактик4 сар 8. 11:34   |   0К.Гоныг дахин баривчилсан нь Япон-Францын харилцаанд нөлөөлөхгүй4 сар 8. 10:38   |   0

Эх оронч Ч.Шаарийбуугийн тухай баримтат кино бүтээжээ

/1-р сарын 28/  -  12 цаг 51 минут

Эх орны тусгаар тогтнол, газар орны бүрэн бүтэн байдлын төлөө 1939 онд Халх голын дайнд эрэлхэгээр амь үрэгдсэн 6 дугаар морьт дивизийн командлагч, хошууч Чимэдийн Шаарийбуугийн тухай "Эх орон эрэлхэг хүүгээ мартахгүй” бүрэн хэмжээний баримтат уран сайханы кино дэлгэцэнд гарч, үзэгчдийн хүртээл болоход бэлэн болжээ. Киноны уран бүтээлчид энэхүү бүтээлээ Халхын голын ялалтын 80 жилийн ойд зориулан бүтээсэн учир ойг тэмдэглэн өнгөрүүлэх Засгийн газрын комисст хүлээлгэн өгөхөөр шийдвэрлэсэн байна. Энэхүү ёслолын ажиллагаа ирэх мягмар гарагт Ерөнхийлөгч, Ерөнхий сайд болон ойг тэмдэглэн өнгөрүүлэх комиссын дарга, Монгол Улсын Шадар сайд Ө.Энхтүвшин зэрэг төр засгийн удирдлага, УИХ-ын зарим гишүүд, БХЯ, ХХЕГ-ын удирдлага, нутгийн төлөөлөл оролцож Зайсан дахь Монгол-Зөвлөлтийн дайчдын хөшөөнд хүндэтгэл үзүүлснээр эхлэх аж.

Киноны үйл явдал тэртээх 80 жилийн өмнө 1939 оны 5 дугаар сарын 27, 28-ны өдрүүдийн Халх голын тулалдааны халуун үнэний тухай өгүүлэх бөгөөд Халх голын дайнд эрэлхэгээр амь үрэгдсэн 6 дугаар морьт дивизийн командлагч,  түүхэн хүн Чимэдийн Шаарийбуугийн тухай ахмад сэтгүүлч Л.Гүнсэн, сэтгүүлч, хурандаа Г.Нэргүй нарын 30 орчим жил уйгагүй бичиж, эрэн сурвалжилж олж цуглуулсан мэдээлэл, шинэ баримт дээр тулгуурлан бүтээгдсэнээрээ онцлог аж.

Энэхүү түүхэн баримтат уран сайханы киноны ерөнхий найруулагчаар урлагийн гавьяат зүтгэлтэн Б.Нагнайдорж ажиллажээ. Кино зохиолыг Монголын радиогийн ахмад сэтгүүлч соёлын гавьяат зүтгэлтэн Л.Гүнсэн, хурандаа Г.Нэргүй нар бичиж, “Хасу Мегаватт” ХХК-ний Ерөнхий захирал, аж үйлдвэрийн гавьяат ажилтан Ж.Түмэн-Аюуш ивээн тэтгэж санхүүжүүлсэн байна.

 Тус түүхэн баримтат уран сайханы киноны Ерөнхий найруулагчаар ажилласан УГЗ Б.Нагнайдоржоос зарим зүйлийг тодрууллаа.

-Та бүхэн Халх голын ялалтын 80 жилийн ойд зориулсан бүрэн хэмжээний  баримтат уран сайханы кино бүтээж, үзэгчдийн хүртээл болгоход бэлэн болжээ. Киноныхоо тухай хуучлаач?

-Манай ахмад сэтгүүлч Л.Гүнсэн гуайн 30 шахам жил уйгагүй бичиж эрэн сурвалжилж байсан нэгэн баатарлаг эх орончийн тухай сонсоод баримтат кино хийе гэсэн сэтгэлд хөтлөгдөөд бараг гурван жил Үндэсний архив болон Батлан хамгаалах яамны түүхийн архивын сан хөмрөгт буй баримтат дүрс, фото зурагзэргийг цуглуулж, бусад холбогдох хүмүүстэй уулзсаны эцэст энэ бүрэн хэмжээний баримтат уран сайхны киног бүтээсэн. Зураг авалтыг 1939 оны Халх голын тулалдаан болж байсан яг тэр газарт нь авсан.

-Киноны гол онцлог юу вэ?

-Энэ кино бол Монголын баримтат кинонд нэг алтан хуудас болно гэж бодогдож байна. Уг кинонд маш олзуурхууштай дахин хэзээ ч давтагдахгүй чухал хэсгүүд бол тэр үеийн 6 дугаар морьт дивизийн  байлдааны штабын даргаар томилогдон үүрэг гүйцэтгэж байсан өдгөө 103 насыг зооглож амьд сэрүүн суугаа Монгол Улсын баатар, хурандаа Пунцагийн Шагдарсүрэнгийн дурсамж яриа юм.

 Мөн 17 дугаар морьт хороог командалж байсан Монгол Улсын домогт баатар Лодонгийн Дандар болон 6 дугаар морьт дивизийн сургуулийн сумангийн дарга Нямжав, Улс төрийн удирдагч З.Төгсжаргал, дивизийн комисар Д.Пэлжээ, байлдааны ангийн дарга Ж.Осор нарын олон дайчдын яриа дурсамж, кино дүрс болон фото зураг оруулж хөдлөшгүй баримтыг нийтэд дэлгэж буйгаараа онцлог юм.

 Баримтуудыг бүүр үнэмшилтэй болгох зорилгоор Ч.Шаарийбуугийн амьдралын зарим хэсгийг  уран сайхны тавилттай зураг авсан гээд бараг 3 жилийг кино бүтээхэд зориуллаа. Хамтран ажилласан бүх уран бүтээлчид болон “Хасу мегаватт” комбанийн хамт олон, “Хасу фильм” продакшныхандаа баярлалаа. Киноны төгсгөлийг бид бүхэн дайчин эр, хурандаа, Монгол Улсын  баатар П.Шагдарсүрэн гуайн сэтгэлийн гуйлтаар төгсгөсөн. “Эх оронч Шаарийбуу  бол баатар болох ёстой хүн” гэж тэр хэлдэг. Тэгээд яагаад баатар болоогүй юм бэ? гэсэн асуултад буурал дайчин нулимс унаган хэлэх үггүй шаналан суугаа нь нэгэн окопт хамт дайтаж, тушаалыг нь биелүүлж явсан тэр нэгэн цэргийн даргын одоо амьд сэрүүн дээрээ заавал баатар цолоор шагнуулна гэсэн их горьдлогоор төгсгөсөн.

Ялалт бүхэн хямд үнээр олдоогүй. Ийм нэгэн түүхэн баримтат уран сайхны киног бүтээсэн уран бүтээлчид хайснаа олсон, олсоноо баталгаажуулж баримтжуулсан байна. Киног бүтээхэд Батлан хамгаалах яам, Хил хамгаалах ерөнхий газрын удирдлагууд, түүхийн болон цэргийн зөвлөхүүд, оролцсон анги салбар хилийн отряд, заставын нийт бүрэлдэхүүнд баяр хүргээрэй гэж УГЗ  Б.Нагнайдорж найруулагч чухалчлан захисныг мөн дуулгая. Энэхүү кино ирэх гуравдугаар сарын дундуур кино театруудаар гарч эхлэх аж.



АНХААРУУЛГА: Уншигчдын бичсэн сэтгэгдэлд imedee.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 86878787

Сэтгэгдэл бичих

БҮХ ЭРХ ХУУЛИАР ХАМГААЛАГДСАН
© 2015-2019 он. IMEDEE.MN